തിരുവനന്തപുരം: ഹരിത പടക്കം പൊട്ടിക്കണമെന്ന ഉത്തരവുമായി വിജയൻ സർക്കാർ. ഈ കണക്കിന് പോയാൽ മേലിൽ ഇനി പടക്കം പൊട്ടിക്കുമ്പോൾ ഒച്ച ഉണ്ടാകരുതെന്നും ആരും കാണാൻ പാടില്ലെന്നും കൂടി ഉത്തരവ് ഇറക്കാനും സാധ്യതയുണ്ട്. അല്ല എന്താണാവോ ഈ ഹരിത പടക്കം എന്നാൽ? നിറം പച്ചയാകണം എന്നോ? അതോ നനച്ച് കുതിർത്ത് പൊട്ടിക്കണമെന്നോ? അതോ പടക്കം പൊട്ടുമ്പോൾ പച്ചക്കളർ മാത്രമേ ഉണ്ടാകാവു എന്നാണോ? എന്തായാലും ഉത്തരവ് ഇറക്കുന്നതിൽ വൻ കുതിച്ചു കയറ്റമാണ് ഉള്ളത്. പേര് എന്തിട്ടാലും ജനങ്ങളുടെ ആഘോഷങ്ങളെ ഒതുക്കാനും ഞെരിക്കാനുമാണ് സർക്കാർ ശ്രമം. ഹരിത പടക്കം പൊട്ടിക്കാനുള്ള മുഹൂർത്തങ്ങളും വിജയൻ സർക്കാർ കുറിച്ചിട്ടുണ്ട്.
അന്തരീക്ഷ മലിനീകരണം നിയന്ത്രിക്കുന്നതിന്റെ ഭാഗമായണത്രെ ഹരിത പടക്കം പൊട്ടിക്കാൻ ഉത്തരവിന് കാരണമത്രെ!ദീപാവലി ആഘോഷങ്ങളിൽ പടക്കം പൊട്ടിക്കുന്നത് രാത്രി എട്ടു മുതൽ 10 വരെയും ക്രിസ്മസ്, പുതുവത്സരാഘോഷങ്ങളിൽ രാത്രി 11.55 മുതൽ പുലർച്ചെ 12.30യുമാക്കി നിയന്ത്രിച്ച് സർക്കാർ ഉത്തരവ് പുറപ്പെടുവിച്ചു. ദേശീയ ഹരിത ട്രിബ്യൂണൽ ഉത്തരവിന്റെയും സംസ്ഥാന മലിനീകരണ നിയന്ത്രണ ബോർഡിന്റെ കത്തിന്റെയും അടിസ്ഥാനത്തിലാണു നിർദേശം. ദീപാവലി ആഘോഷങ്ങൾക്കു രാത്രി എട്ടു മുതൽ പത്തു വരെയും ക്രിസ്മസ്, ന്യൂ ഇയർ ആഘോഷങ്ങൾക്കു രാത്രി 11.55 മുതൽ 12.30 വരെയും മാത്രമായി പടക്കം പൊട്ടിക്കാൻ സമയം പരിമിതപ്പെടുത്തിയാണ് ട്രിബ്യൂണലിന്റെ ഉത്തരവ് പുറപ്പെടുവിച്ചിട്ടുള്ളത്. ആഘോഷങ്ങളിൽ ഹരിത പടക്കം മാത്രമേ ഉപയോഗിക്കാൻ പാടുള്ളൂ. പടക്കം പൊട്ടിക്കുന്നതിനുള്ള സമയ നിയന്ത്രണം ഉറപ്പാക്കുന്നതിനും സംസ്ഥാനത്ത് ഹരിത പടക്കങ്ങൾ മാത്രമേ വിൽക്കുന്നുള്ളൂവെന്ന് ഉറപ്പാക്കുന്നതിനും ജില്ലാ കളക്ടർമാർക്കും ജില്ലാ പൊലീസ് മേധാവിമാർക്കും നിർദേശം നൽകി ആഭ്യന്തര വകുപ്പ് ഉത്തരവു പുറപ്പെടുവിച്ചു.
Vijayan government's order that firecrackers should be 'green'. Control the celebrations by breaking the green light!
